បាត់​ភ្លាម តាម​រក​ឃើញ​វិញ​ភ្លាម ដោយសារ​ប្រព័ន្ធ GPS

Published 05-May-2017 / 04:10:43 pm

ដោយ ៖ យឹម ឈឿន   

ថ្ងៃពុធ ទី២៨ ខែធ្នូ ឆ្នាំ២០១៦ ម៉ោង ០៩:០១   (28-12-2016 09:01)

រាជធានី​ភ្នំពេញ ៖ ម៉ូតូ​ស៊េរី​ទំនើប​២​គ្រឿង​ត្រូវ​បាន​ចោរ​កាត់​​ច្រ​វ៉ា​ក់​លួច​យក​ទៅ​បាត់​ពី​ចំណុច​គ្លីនិក មហានគរ ដែល​មា​នទី​តាំងនៅ​តាម​តាម​បណ្ដោយ​ផ្លូវ​លេខ​៤០២ កែង​ផ្លូវ​លេខ​១៥៥ ស្ថិត​ក្នុង​សង្កាត់​ទំនប់​ទឹក ខណ្ឌចំការមន តែ​សំណាងល្អ​ម៉ូតូ​១​គ្រឿង​មាន​ភ្ជាប់​ប្រព័ន្ធ GPS ម្ចាស់​ប្តឹង​សមត្ថកិច្ច​តាម​រក​ឃើញ​ម៉ូតូ​ទាំង​២​គ្រឿង​វិញ​កាលពី​វេលា​ម៉ោង​៥​ភ្លឺ ថ្ងៃ​ទី​២៨ ខែធ្នូ ឆ្នាំ​២០១៦ នៅ​ចំណុច​ផ្លូវ​រទេះភ្លើង ក្បែរ​ស្ពាន​អាកាស​៧​មក​រា ស្ថិត​ក្នុង​សង្កាត់​ទឹកល្អក់​១ ខណ្ឌទួលគោក ។

ម៉ូតូ​ដែល​ត្រូវ​ចោរ​កាត់​សោ​ច្រវ៉ាក់​លួច​យក​ទៅ​នោះ​១​គ្រឿង​ម៉ាក MSX ពណ៌​ខ្មៅ ពាក់​ស្លាក​លេខ ភ្នំពេញ 1CY-6823  និង​១​គ្រឿង​ទៀត​ម៉ាក Zoomer X ពណ៌​ស ពាក់​ស្លាក​លេខ ភ្នំពេញ 1DF-3143 ។

ប្រភព​ព័ត៌មាន​ពី​ក្មួយ​ម្ចាស់​ម៉ូតូ MSX បាន​ឲ្យ​ដឹង​ថា មុន​ពេល​កើតហេតុ​រូប​គាត់​បាន​ជូន​ពូ​របស់​គាត់​ដែល​ជា​ម្ចាស់​ម៉ូតូ MSX បាន​ជួប​គ្រោះថ្នាក់​ចរាចរណ៍​ទៅ​ដេរ​របួស​ជើង​នៅ​គ្លីនិក​ខាងលើ ហើយ​ក៏​បាន​សម្រាក​ជាមួយ​មិត្តភក្តិ​ជា​ច្រើន​នាក់ ក្នុង​នោះ​មាន​នារី​ជា​ម្ចាស់​ម៉ូតូ Zoomer X ផង​ដែរ ដោយ​ម៉ូតូ​ទាំង​២​គ្រឿង​បាន​ចាក់សោ​ច្រវាក់​ជាមួយ​ម៉ូតូ​ជិត​១០​គ្រឿង​ទៀត​ទុក​នៅ​មុខ​គ្លីនិក ។ លុះ​ព្រឹក​ឡើង​ក្មួយ​របស់​ម្ចាស់​ម៉ូតូ MSX បាន​ចុះ​មក​ក្រោម​រក​មើល​ម៉ូតូ​មិនឃើញ​ក៏​ផ្អើល​ឆោឡោ​បើក​មើល​កាមេរ៉ា​សុវត្ថិភាព​ឃើញ​មាន​ក្រុម​ចោរ​១​ក្រុម​មាន​គ្នា​៦​នាក់​បាន​ធ្វើ​សកម្មភាព​កាត់​សោ​ច្រវាក់​ចាក់​ម៉ូតូ ហើយ​បាន​យក​ម៉ូតូ​២​គ្រឿង​ខាងលើ​ចេញ​ទៅ​បាត់ ។

ប្រភព​បាន​បន្ត​ថា ក្នុង​ចំណោម​ម៉ូតូ​ទាំង​២​គ្រឿង​នោះ មាន​ម៉ូតូ​១​គ្រឿង​បាន​ភ្ជាប់​ប្រព័ន្ធ​តាមដាន GPS ក្រោយមក​ក្មួយ​ជន​រង​គ្រោះ​បាន​បើក​ប្រព័ន្ធ GPS ដែល​ដាក់​ជាប់​ម៉ូតូ Zoomer X ឃើញ​ថា ប្រព័ន្ធ​ខាងលើ​នោះ​បាន​លោត​ដល់​ចំនុច​ថ្នល់​រទេះភ្លើង​ជិត​ស្ពាន​អាកាស​៧មក​រា ក្រោយមក​ពួក​គាត់​ដែល​ជា​ជន​រង​គ្រោះ​បាន​មក​អង្គុយ​ចាំ​ជាមួយ​សមត្ថកិច្ច​ខណ្ឌចំការមន​២​នាក់ ស្រាប់តែ​មួយសន្ទុះ​ក្រោយមក​ក៏​បានឃើញ​ជនសង្ស័យ​២​នាក់​កំពុង​តែ​ជិះ​ម៉ូតូ​២​គ្រឿង​បណ្ដើរគ្នា​កាត់​ចំណុច​ដែល​ជន​រង​គ្រោះ​អង្គុយ​ចាំ ក៏​ប្រញាប់​ដេញចាប់​ជនសង្ស័យ​២​នាក់​នោះ ស្រប​ពេល​ជាមួយ​គ្នា​នោះ​ដែរ​នគរបាល​ខណ្ឌចំការមន​បាន​បាញ់​ឡើង​លើ​១​គ្រាប់​គំរាម​ជនសង្ស័យ តែ​ជនសង្ស័យ​ទាំង​២​នាក់​នោះ​ព្យាយាម​រត់គេច​ខ្លួន​ចូល​ទៅ​តាម​ច្រក​ភូមិ​រោងចក្រ​ឆ្នាំង​បាត់​ស្រមោល ធ្វើ​ឲ្យ​សមត្ថកិច្ច​ពិបាក​ក្នុង​ការ​ចូល​ទៅ​តាម ព្រោះ​ទីនោះ​ជា​តំបន់​ស្មុគស្មាញ និង​ជា​សំបុក​ជន​ទុច្ចរិត​លាក់​បំពួន​ខ្លួន​នៅ​ទីនោះ និង​ជា​សំបុក​ចែកចាយ​គ្រឿងញៀន​ផង​ដែរ ។

ក្រោយ​ពេល​កើតហេតុ ម៉ូតូ​ទាំង​២​គ្រឿង​នោះ​ត្រូវ​សមត្ថកិច្ច​យក​ទៅ​រក្សា​ទុក​នៅ​ប៉ុស្ដិ៍​នគរបាល​រដ្ឋបាល​ទំនប់​ទឹក រងចាំ​ម្ចាស់​ម៉ូតូ​យក​ឯកសារ​មក​ទទួលយក​ម៉ូតូ​ត្រឡប់​ទៅ​វិញ ៕

ប្រភព:https://kohsantepheapdaily.com.kh/article/156784.html

You may like this

Promotion

Lastest Article

Img 7728
កិច្ចប្រជុំសម្រាប់ការពិភាក្សាលើការរៀបចំ សម្រាប់ការងារក្នុងពេលចូលឆ្នាំខ្មែរ
716aeaf3 aa72 4479 bca3 76ffb2f3e1cf
ព្រួញ១បាញ់បានសត្វ២! តាមរយៈប្រព័ន្ធ GPS
Gps product 7 g06n
10 Factors to Consider When Selecting a GPS tracker
Img 9510
សកម្មភាពតម្លើងGPS ជូនក្រុមហ៊ុនតាក់ស៊ីក្រហម
Bw 03
សកម្មភាពតម្លើងGPS ជូនក្រុមហ៊ុនតាក់ស៊ី
178 01
សកម្មភាពតម្លើងGPS ជូនឃ្លាំងឡាន178
Img 0674
សកម្មភាពតម្លើងGPS ជូនអតិថជន
Scs 03
សកម្មភាពតម្លើងGPS ជូនក្រុមហ៊ុន Star Coating Solution
Untitled 1 02
សកម្មភាពតម្លើងGPS ជូនអតិថជនតាមឃ្លាំងលក់ឡាន
15285096 1352868678065642 4285270192520594071 n
សកម្មភាពតម្លើងGPS ជូនក្រុមហ៊ុនដឹកជញ្ជូនផែស្ងួតអូលែរ
C3835d 5373700212b04928b1dde707de2f0e9e
ចក្ខុវិស័យក្រុមហ៊ុនសេវិនវ៉ាយអេចភីអេស សឹលូសិន គ្រុប អិលធីឌី
Benefits
20 Benefits of GPS Fleet Tracking for Transportation
61607180 b542 423a b2cd 240fe4817c4a
បាត់​ភ្លាម តាម​រក​ឃើញ​វិញ​ភ្លាម ដោយសារ​ប្រព័ន្ធ GPS
5
ពីធីគម្រប់ខួបទី១០ របស់ក្រុមហ៊ុន ៧វ៉ាយអេចភីអេស សឹលូសិនគ្រុប អិលធីឌី ថ្ងៃទី១០ ខែកក្កដា ឆ្នាំ២០១៧
D  %e1%9e%80%e1%9e%98%e1%9f%92%e1%9e%98%e1%9e%9c%e1%9e%b7%e1%9e%92%e1%9e%b8%e1%9e%9f%e1%9f%92%e1%9e%9b%e1%9e%b6%e1%9e%992016 eit slide24
កម្មវិធីចាប់រង្វាន់របស់ ក្រុមហ៊ុន សេវិវ៉ាយអេចភីអេស សឹលូសិន គ្រុប អិលធីឌី ប្រចាំឆ្នាំ២០១៣